أمير كرارة: بقالي في الشغلة دي 20 سنة وجربت كل حاجة

كشف النجم أمير كرارة، عن أنه يعمل في المجال الفني والإعلامي منذ 20 عاما وكان يشارك في البرامج مقابل 50 جنيها، قائلا: “مفيش حاجة اسمها حظ ولكن في توفيق من عند ربنا، وأنا عملت برامج وكسرت الدنيا في كل القنوات ولكن أنا بحب أبقى فنان محترم وأعمل كل حاجة”.

وأضاف الفنان أمير كرارة، خلال حوار ببرنامج “حبر سري”، مع الاعلامية أسما ابراهيم، على قناة القاهرة والناس، “بقالي في الشغلة دي 20 سنة وجربت كل حاجة وبدأت الشغلة دي وبطلع أسقف في البرامج بـ50 جنيها، وكنت بطلع في برامج زي برنامج للإعلامي الكبير عمرو أديب اسمه سواريه وكنت بأخذ 50 جنيها”.

واستكمل: “كان عندي بدلة وواحد صاحبي عنده بدلة، وكنا نستبدل البدل مع بعض في الحلقات عشان نأخذ 100 جنيه، وجربت البرامج والسينما والتلفزيون ومشاهد صغيرة جدا وأدوار صامتة، واشتغلت على نفسي وفخور باللي وصلت له”.

زر الذهاب إلى الأعلى