قال السد العالي حسن أحمد حسن، والد المتهم بالاعتداء على الممرضات في مستشفى قويسنا:”أنا راض بنتائج التحقيقات أيا كانت”.
ولفت خلال مداخلة هاتفية ببرنامج حضرة المواطن الذي يقدمه الكاتب الصحفي سيد علي بقناة الحدث اليوم:”القصة بدأت معايا لما استقبلت تليفون من زوجتي وقالت لي انا اتهانت واتضربت بالقلم في مستشفى قويسنا وزوجة ابني معاها تعاني من نزيف لمدة 3 ساعات، ولما وصلت المستشفى لقيت حالة هرج ومرج، فنزلت عند مدير المستشفى وابلغني ان المريضة اتحولت للمستشفى من دكتورة بتشخيص خطأ”.
وتابع:”قلت لمدير مستشفى قويسنا انت عندك كاميرات وشغالين وشوف الأحداث لإن مرات ابني قاعدة في المستشفى من الساعة 2 الي 6 الصبح، فرفض، وعرض على حلول وازواج الممرضات طلبوا مبالغ مالية ومنهم من طلب 2 مليون جنيه واَخر مليون جنيه وثالث طلب 50 ألف جنيه انا قلت لهم 50 قرشا مش هدفعها”-حسب زعمه.
ولفت:”أنا باستشهد بكاميرا المستشفى ابني راح لقى مراته بتنزف واخته ومراته مضروبين بالشبشب فكيف سيكون رد فعله”.
وأكد:”الكرباج السودانى كان في ايد بنت ممرضة بالمستشفى فابنتي اخدته منها، ابني كان داخل يجري وقالوا له انه أمك اتضربت ومراتك اتهانت وبتنزف، وهو داخل كان اللى بيقابله بيزقه”.
وأضاف:”ابني مضربش حد ولكن كان بيدفع الناس اللى بتقابله علشان ينقذ والدته ومراته واخته، ابني مكنش ب
وأشار:”زوجة ابني موجودة حاليا في مستشفى شبين الكوم التعليمي، وهي ما زالت بين الحياة والموت في المستشفى، ولكن في هذه المستشفى تم اتخاذ الإجراءات الصحية اللازمة معها”.