عروس كفر الدوار: «أهلي وجوزي متبهدلين وميرضيش حد اللي بيحصل فيا»

أكدت أمنية طارق، عروس كفر الدوار، أنها لم تكن تخطط للكلام الذي قالته خلال توقيع عقد زواجها، قائلة: “كنت عايزة أفرح جوزي بكلمتين وحبيت أفرحه بطريقتي وتفاجأت بهجوم الناس ومعملتش تصرف غلط ومش عارفة في إيه وأهلي وجوزي متبهدلين من التعليقات السلبية على السوشيال ميديا”.

وعبرت أمنية طارق، خلال مداخلة هاتفية ببرنامج “حديث القاهرة”، مع الإعلامية كريمة عوض، على قناة القاهرة والناس، عن استيائها من حالة الهجوم التي تتعرض له منذ انتشار الفيديو، قائلة: “ميرضيش حد اللي حصل فيا ومضيقتش حد في حاجة عشان أتهاجم بالشكل ده، والفيديو نشرته عندي للذكرى وبعد ما اتشير اتبهدلت”.

وتابعت: “بنشوف فيديوهات ناس بتحضن بعض ومفيش حد بيعلق هل الحضن حلال قدام الناس وأنا كلامي وحش قدام الناس، وحمايا كان واقف ورايا وفي ضهري، واحنا ناس عاديين ولا طالبين ترند والكلام مأثر علينا نفسيًا”.