«تليفون حبيبي» .. قصيدة بقلم السيد الزرقاني

تليفون حبيبي

لو في لحظة يرن ليا

تلمح الفرحة في عيوني

يوصل الشوق اللي بيا

هو ليا

اللي باقي

اللي ساكن جوا مني

غصب عني

يكسر الحاجز بصوته

اصل صوته فجر ضاحك

ساكن روحي قبل مني

ياما شاف بينا ليالي

ليلة نضحك

ليلة نبكي

ليلة نسهر فين تلاقي

ليلة يجمعنا الحنين….. تخلص المسافات بينا

وفي لحظة اقولك ياحبيبي

يلا بينا الوقت عدي

تعالي يلا خد بايدي

اسعد يوم هو النهاردة

قول للشمس بلاش تغيبي

تليفون حبيبي

خلي بكرة زي النهاردة